უკრაინის საგარეო საქმეთა მინისტრმა, ანდრეი სიბიგამ კიევში ვიზიტით მყოფ აზერბაიჯანელ კოლეგასთან, ჯეიჰუნ ბაირამოვთან მოლაპარაკებები გამართა.

„შეხვედრის ფარგლებში განვიხილეთ ორმხრივი და საერთაშორისო დღის წესრიგის მთავარი საკითხები, მათ შორის რეგიონული უსაფრთხოება, ხანგრძლივი მშვიდობის მიღწევის მცდელობები, ეკონომიკური და ენერგეტიკული თანამშრომლობა, ასევე, უკრაინის აღდგენის პროცესში აზერბაიჯანის მნიშვნელოვანი წვლილი“, - წერს ანდრეი სიბიგა X-ზე.

სიბიგას თქმით, დღევანდელი შეხვედრა უკრაინასა და აზერბაიჯანს შორის სტრატეგიული პარტნიორობის შემდგომი გაძლიერებისკენ გადადგმული კიდევ ერთი მნიშვნელოვანი ნაბიჯია.

ცნობისთვის, ეს უკრაინის დედაქალაქში ჯეიჰუნ ბაირამოვის პირველი ვიზიტია.