რუსეთის სვერდლოვსკის ოლქში ხელისუფლებამ დრონების თავდასხმის საფრთხე გამოაცხადა, - ინფორმაციას უკრაინული მედია „ტელეგრამ“ არხებზე დაყრდნობით ავრცელებს.

ამასთან, გავრცელებული ინფორმაციით, ეკატერინბურგში, რომელიც რომელიც ფრონტის ხაზიდან თითქმის 2000 კილომეტრში მდებარეობს, Wildberries-ის საწყობზე თავდასხმა განხორციელდა.

„ტელეგრამ“ არხი ASTRA იუწყება, რომ ეკატერინბურგში Wildberries-ის ლოგისტიკურ კომპლექსს დაარტყეს.

Russ & Wildberries-მა დაადასტურა, რომ თავდასხმის შედეგად კომპანიის ლოგისტიკურ ობიექტში ხანძარი გაჩნდა. მათივე ინფორმაციით, ობიექტიდან ადამიანების ევაკუაცია დროულად განხორციელდა.

გარდა ამისა, ASTRA-ს ცნობით, „როსავიაციამ“ ეკატერინბურგის კოლცოვოს აეროპორტში დროებითი შეზღუდვა დააწესა.