ნარკოტიკული საშუალების უკანონო შეძენის, შენახვის და რეალიზაციის ფაქტზე ბრალდებულს სასამართლომ 16 წლით თავისუფლების აღკვეთა მიუსაჯა. როგორც პროკურატურის მიერ გავრცელებულ ინფორმაციაშია აღნიშნული, ბრალდებულმა, რომელიც წარსულშიც ნარკოტიკული დანაშაულისათვის იყო ნსამართლევი, უკანონოდ შეიძინა და ინახავდა ნარკოტიკულ საშუალება ,, ალფა-პვპ (αPVP)”-ს, რომლის რეალიზაციაც განახორციელა.

„თბილისის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და ნარკოტიკული საშუალების უკანონო შეძენის, შენახვის და რეალიზაციის ფაქტზე ბრალდებული დამნაშავედ ცნო.

სასამართლო პროცესზე გამოკვლეული მტკიცებულებებით დადასტურდა, რომ ნარკოტიკული დანაშაულისათვის ნასამართლევმა ბრალდებულმა უკანონოდ შეიძინა და ინახავდა ნარკოტიკულ საშუალება ,, ალფა-პვპ (αPVP)”-ს, რომლის რეალიზაციაც განახორციელა.

თბილისის საქალაქო სასამართლომ ბრალდებული სრულად ცნო დამნაშავედ საქართველოს სისხლის სამართლის კოდექსის 260-ე მუხლის მე-2 ნაწილის ,,დ” ქვეპუნქტით და 260 ტერცია მუხლის მე-5 ნაწილის ,,ე” ქვეპუნქტით (ნარკოტიკული საშუალების უკანონო შეძენა, შენახვა და რეალიზაცია, ჩადენილი ნარკოტიკული დანაშაულისათვის ნასამართლევი პირის მიერ) წარდგენილ ბრალდებებში და სასჯელის სახედ და ზომად 16 წლით თავისუფლების აღკვეთა განუსაზღვრა”, - ნათქვამია ინფორმაციაში.