თბილისში, ლოზუნგით „გვახსოვს გმირები, გვახსოვს მტერი” მსვლელობა მიმდინარეობს
„გვახსოვს გმირები, გვახსოვს მტერი!”, - ამ ლოზუნგით “ფილარმონიიდან” გმირთა მოედნამდე საპროტესტო მსვლელობა მიმდინარეობს.
მსვლელობით, პროტესტის მონაწილეები პატივს მიაგებენ საქართველოს თავისუფლებისთვის დაღუპულ გმირებს.
შეკრებილები აცხადებენ, რომ საქართველოს ისტორიის გაყალბებას ვერავინ შეძლებს.
“ჩვენ გვახსოვს, ვინ დაიწყო ომი - და გვახსოვს ჩვენი გმირები, რომლებმაც გმირულად დაიცვეს საქართველო. ჩვენ ვიცით, რომ დაპირისპირება და გაყოფა რუსული ჰიბრიდული ომის მთავარი მამოძრავებელია - და ჩვენ ვიცით, რომ როცა ერთად ვდგებით, მტერი ვერ გვერევა”, - აცხადებენ მსვლელობის ორგანიზატორები.
