ნიკოლ ფაშინიანსა და ილჰამ ალიევს შორის სატელეფონო საუბარი შედგა, - ინფორმაციას სომხური მედია პრემიერ-მინისტრის ოფისზე დაყრდნობით ავრცელებს.

სომხეთის პრემიერ-მინისტრმა ნიკოლ ფაშინიანმა და აზერბაიჯანის პრეზიდენტმა ილჰამ ალიევმა სატელეფონო საუბრისას 2025 წლის 8 აგვისტოს, ვაშინგტონში გამართულ „მშვიდობის სამიტის“ წლისთავთან დაკავშირებით მოსაზრებები გაცვალეს.

ასევე, ნიკოლ ფაშინიანმა და ილჰამ ალიევმა ვაშინგტონში მიღწეული შეთანხმებების შესაბამისად, „ტრამპის გზის“ პროექტის განხორციელების საკითხი განიხილეს.

„მხარეებმა აღნიშნეს პრეზიდენტ დონალდ ტრამპისა და აშშ-ის მთავრობის მნიშვნელოვანი როლი სამშვიდობო პროცესის წინსვლაში. ასევე, ხაზი გაუსვეს გასული ერთი წლის განმავლობაში სომხეთსა და აზერბაიჯანს შორის ურთიერთობების ნორმალიზების თვალსაზრისით მიღწეულ პროგრესს“, - აცხადებს სომხეთის პრემიერ-მინისტრის ოფისი.