Skillwill-ში, თბილისში, პროგრამული უზრუნველყოფის ტესტირების (QA) პროფესიულ სადიპლომო პროგრამაზე წინასწარი რეგისტრაცია გამოცხადდა. სწავლა სრულად ფინანსდება სახელმწიფოს მიერ, ადგილების რაოდენობა კი შეზღუდულია. ჩარიცხვისთვის საჭიროა მხოლოდ ,სკოლის ატესტატი და ონლაინ ტესტირების გავლა, პროგრამას სხვა წინაპირობა არ აქვს.

Skillwill-ის პროფესიული სადიპლომო პროგრამებით დაინტერესებულ პირებს წინასწარი რეგისტრაციის გავლა შეგიძლიათ ამ ბმულზე.

პროგრამული უზრუნველყოფის ტესტირება თანამედროვე ტექნოლოგიური სფეროს ერთ-ერთი მნიშვნელოვანი მიმართულებაა. QA ტესტერი ამოწმებს ვებგვერდებს, მობილურ აპლიკაციებსა და სხვა ციფრულ პროდუქტებს, პოულობს ხარვეზებს და უზრუნველყოფს, რომ პროდუქტი მომხმარებლამდე გამართული, უსაფრთხო და ხარისხიანი სახით მივიდეს.

QA სპეციალისტი ტექნოლოგიური პროდუქტის შექმნის პროცესში დეველოპერებთან, დიზაინერებსა და პროექტის მენეჯერებთან თანამშრომლობს. მისი მთავარი ამოცანაა პროდუქტის ფუნქციების შემოწმება, შეცდომების აღმოჩენა, მათი აღწერა და განვითარების გუნდისთვის დეტალური ინფორმაციის მიწოდება.

პროგრამის ფარგლებში მსმენელები შეისწავლიან:

• პროგრამული უზრუნველყოფის ტესტირების ძირითად პრინციპებს, დაგეგმვასა და შედეგების ანალიზს;
• პროდუქტის შესამოწმებლად საჭირო ტესტების და სცენარების მომზადებას;
• ვებგვერდების, პროგრამებისა და აპლიკაციების ფუნქციების შემოწმებას;
• შეცდომებისა და ხარვეზების აღმოჩენას, აღწერასა და მათი გამოსწორების პროცესის მართვას;
• ტესტირების პროცესის ავტომატიზაციას;
• ტესტირების შედეგების დოკუმენტირებასა და ანგარიშების მომზადებას;
• გუნდთან კოორდინაციასა და ტესტირების პროცესის გაუმჯობესებას.დეველოპერებთან და პროექტის სხვა მონაწილეებთან ეფექტიან კომუნიკაციას.

სასწავლო პროცესი პრაქტიკული უნარების განვითარებასა და რეალური სამუშაო ამოცანების შესრულებაზე იქნება ორიენტირებული. მსმენელები იმუშავებენ პრაქტიკულ პროექტებზე, შეისწავლიან ციფრული პროდუქტების ხარისხის შეფასებას და პროფესიულ გარემოში საჭირო უნარებს განივითარებენ.

პროგრამა განკუთვნილია მათთვის, ვისაც ტექნოლოგიურ სფეროში კარიერის დაწყება სურს. QA მიმართულებით განვითარებისთვის პროგრამირების წინასწარი ცოდნა აუცილებელი არ არის - მნიშვნელოვანია ანალიტიკური აზროვნება, დეტალებზე ორიენტირებულობა და პრობლემების აღმოჩენის უნარი.

პროგრამის დასრულების შემდეგ კურსდამთავრებულს შესაძლებლობა ექნება, დასაქმდეს პროგრამული უზრუნველყოფის ტესტერის, QA სპეციალისტის ან ხარისხის უზრუნველყოფის მიმართულებით ტექნოლოგიურ კომპანიებში, სტარტაპებსა და სხვადასხვა ორგანიზაციაში, სადაც ციფრული პროდუქტები იქმნება.

Skillwill-ის პროგრამული უზრუნველყოფის ტესტირების (QA) პროფესიულ პროგრამაზე სწავლა სრულად ფინანსდება სახელმწიფოს მიერ. პროგრამა თბილისში განხორციელდება. ადგილები შეზღუდულია, ამიტომ დაინტერესებულ პირებს წინასწარი რეგისტრაციის გავლა უკვე შეუძლიათ.

(R)