უკრაინის უპილოტო სისტემების ძალების მეთაურის, რობერტ „მადიარ“ ბროვდის განცხადებით, რუსეთი ცდილობს ერთი ზალპით გასაშვები ბალისტიკური რაკეტების რაოდენობა 200-მდე გაზარდოს.

ბროვდიმ Associated Press-თან ინტერვიუში განაცხადა, რომ რუსეთის არმიას ამჟამად შეუძლია ერთდროულად 77 ბალისტიკური რაკეტის ზალპის განხორციელება, ხოლო მომავალში ამ რაოდენობის 200-მდე გაზრდა იგეგმება.

„მაშინაც კი, თუ მათ ამის მხოლოდ ნახევარი მოახერხეს, ყველა ჩვენკენ გამოფრინდება. რიცხვის შემცირების ერთადერთი გზა ამ რაკეტების წარმოებაში ჩართული ყველა ობიექტის დარტყმაა“, - აღნიშნა ბროვდიმ.