კოლუმბიაში მიწისძვრის შედეგად დაღუპულთა რაოდენობამ 100-ს გადააჭარბა, - ინფორმაციას Sky News-ი ავრცელებს.

კოლუმბიის პრეზიდენტის, აბელარდო დე ლა ესპრიელას ცნობით, 7.4 მაგნიტუდის სიმძლავრის მიწისძვრას, სულ მცირე, 111 ადამიანი ემსხვერპლა.

პრეზიდენტის თქმით, კოლუმბიაში მიწისძვრის შედეგად, სულ მცირე, 87 ადამიანი დაშავდა და 61 შენობა ჩამოინგრა.

„პირველი პრიორიტეტი ნანგრევების ქვეშ მოყოლილი ადამიანების გადარჩენაა“, - აღნიშნა პრეზიდენტმა მოსახლეობისადმი მიმართვისას.

მანამდე, აბელარდო დე ლა ესპრიელამ ქვეყნის მასშტაბით საგანგებო მდგომარეობა გამოაცხადა.