რუსეთმა კიევსა და ზაპოროჟიეზე თავდასხმა ბალისტიკური რაკეტებით განახორციელა, - ინფორმაციას უკრაინული მედია ავრცელებს.მედიის ინფორმაციით, რუსულმა ძალებმა კიევსა და ზაპოროჟიეს „ცირკონის“ ტიპის რაკეტებით, ბალისტიკური რაკეტებით და სხვადასხვა ტიპის 120 დრონით შეუტიეს.

უკრაინის საჰაერო თავდაცვამ რუსების მიერ გაშვებული 98 დრონი ჩამოაგდო.

შეგახსენებთ, გასულ ღამეს, რუსებმა კიევზე დარტყმა ბალისტიკური რაკეტებით განახორციელეს. თავდასხმის შედეგად ერთი ადამიანი დაშავდა.

რუსული ძალების მიერ ზაპოროჟიეს განხორციელებული კომბინირებული იერიშის შედეგად 6 ადამიანი დაიღუპა და 19 დაშავდა. თავდასხმის შემდეგ ქალაქის ნაწილი ელექტროენერგიის გარეშე დარჩა.