უკრაინის შეიარაღებული ძალების სარდლობამ ოფიციალურად დაადასტურა, რომ 10-11 აგვისტოს ღამეს ქვეყნის თავდაცვის ძალებმა რუსეთის ორენბურგის ოლქში მდებარე „ორსკნეფტეორგსინტეზის“ ნავთობგადამამუშავებელ ქარხანაზე შეტევა განახორციელეს, - ამის შესახებ ინფორმაციას უკრაინული მედია ავრცელებს.

შეიარაღებული ძალების ინფორმაციით, იერიშის შედეგად საწარმოს ტერიტორიაზე ხანძარი გაჩნდა. „მიყენებული ზარალის მასშტაბები ზუსტდება“ - აღნიშნულია ოფიციალურ განცხადებაში.

„ორსკნეფტეორგსინტეზი“ ორენბურგის ოლქში ერთ-ერთი უდიდესი ნავთობგადამამუშავებელი ქარხანაა და რუსეთის საწვავ-ენერგეტიკულ სექტორში მნიშვნელოვან ობიექტს წარმოადგენს. საწარმოს გადამუშავების სიმძლავრე წელიწადში დაახლოებით 6 მილიონ ტონა ნავთობს შეადგენს. ის აწარმოებს ბენზინს, დიზელს, საავიაციო საწვავს, მაზუთს, ბიტუმსა და სხვა ნავთობპროდუქტებს.

ცნობისთვის, მანამდე უკრაინული მედიაში გავრცელდა ინფორმაცია, რომ რუსეთის ქალაქებში ამურის კომსომოლსკსა და ორსკში ნავთობგადამამუშავებელი ქარხნები იწვოდა. კერძოდ, ხაბაროვსკის მხარეში ხანძარი „როსნეფტის“ ქარხანას გაუჩნდა, ხოლო ორსკზე განხორციელებული თავდასხმა ადგილობრივმა მერმა, არტემ ვორობიოვმაც დაადასტურა, რის გამოც ორსკის აეროპორტში ფრენებზე დროებითი შეზღუდვები დაწესდა.