„ოცნების“ ხელისუფლება უფსკრულში მიგვაქანებს - დიახ, ირაკლი კობახიძის წინააღმდეგაც უნდა დაიწყოს გამოძიება. ეს არის ადამიანი, რომელმაც საკუთარ ქვეყანას დააბრალა ომის დაწყება,- ამის შესახებ „გახარია საქართველოსთვის“ პარტიის წევრმა, ანა დადიანმა განაცხადა.

მისივე თქმით, დღეს ქვეყანას ჰყავს ხელისუფლება, რომელიც აზიანებს ეროვნულ ინტერესს, ტერიტორიულ მთლიანობას.

„ოცნების“ ხელისუფლება უფსკრულში მიგვაქანებს, ყოველდღე ვხედავთ, რა საზიანო განცხადებებს აკეთებენ ქვეყნის ეროვნული ინტერესების და სუვერენიტეტის, ტერიტორიული მთლიანობის წინააღმდეგ. ეს [მიხაილ გალუზინის] და მსგავსი განცხადებები ადასტურებს, რომ ქვეყანაში გვყავს ხელისუფლება, რომელიც ოკუპანტს მტერს ვერ უწოდებს, გვყავს ხელისუფლება, რომელიც საკუთარ ქვეყანას აბრალებს ომის დაწყებას, გვყავს პრემიერი, რომელიც საოკუპაციო ხაზთან ნამყოფი არ არის. არ უნდა გაგვიკვირდეს მსგავსი განცხადებები რომ ვიხილოთ რომელიმე მაღალი თანამდებობის პირისგან. დღეს ქვეყანას ჰყავს ხელისუფლება, რომელიც აზიანებს ეროვნულ ინტერესს, ტერიტორიულ მთლიანობას. დიახ, ირაკლი კობახიძის წინააღმდეგაც უნდა დაიწყოს გამოძიება. ეს არის ადამიანი, რომელმაც საკუთარ ქვეყანას დააბრალა ომის დაწყება. გაგვაგებინოს საქართველოს მოქალაქეებს, რომელი აგენტის თუ სახელმწიფოს დაკვეთით განაცხადა ეს პოზიცია“,- აღნიშნავს ანა დადიანი.