რუსეთის კრასნოდარის მხარეში დრონებით მასშტაბური იერიში განხორციელდა, - ინფორმაციას უკრაინული მედია ავრცელებს.

კრასნოდარის მხარის გუბერნატორის, ვენიამინ კონდრატიევის განცხადებით, დრონებით თავდასხმა ნოვოროსიისკზე, ანაპაზე, გელენჯიკსა და ტემრიუკის ოლქზე მოხდა.

გუბერნატორის თქმით, დრონებით იერიშის შედეგად ერთი ადამიანი დაიღუპა და ორი დაშავდა. ასევე, დაზიანდა საცხოვრებელი სახლები.

„ტელეგრამ“ არხების ინფორმაციით, ნოვოროსიისკის პორტში, ნავთობტერმინალსა და სამხედრო ნავსადგურში ხანძარი გაჩნდა.