წითელ ზღვაში ჰუსიტების მიერ სავაჭრო გემზე განხორციელებული თავდასხმის შედეგად პაკისტანის სამი მოქალაქე დაიღუპა, ხოლო ერთი დაშავდა, - ამის შესახებ პაკისტანის ვიცე-პრემიერი და საგარეო საქმეთა მინისტრი იშაქ დარი X-ზე წერს.

მისი თქმით, არასაბრძოლო გემზე თავდასხმა საერთაშორისო სამართლის დარღვევაა და სერიოზულ საფრთხეს უქმნის ნაოსნობის უსაფრთხოებას.

საგარეო საქმეთა მინისტრის თქმით, ინციდენტის გარემოებების დასადგენად პაკისტანის ხელისუფლება საუდის არაბეთისა და იემენის ოფიციალურ უწყებებთან თანამშრომლობს.

„ჩვენ კავშირზე ვართ საუდის არაბეთის შესაბამის უწყებებთან და იემენის საერთაშორისოდ აღიარებულ მთავრობასთან, რათა დავადგინოთ ინციდენტის დამატებითი დეტალები და გარემოებები’’ - წერს იშაქ დარი.