აშშ-ის ტეხასის შტატის ცენტრალურ ნაწილში სამხედრო ვერტმფრენის ჩამოვარდნის შედეგად ორი ადამიანი დაიღუპა.

ოფიციალური პირების განცხადებით, ეს იყო AH-64 Apache-ის ტიპის თავდასხმის ვერტმფრენი, რომელიც ახლომდებარე ფორტ ჰუდში იყო განთავსებული. ფორტ ჰუდი აშშ-ის არმიის ერთ-ერთი მთავარი სამხედრო ბაზაა.

აშშ-ის არმიის ცნობით, ინციდენტთან დაკავშირებით გამოძიება მიმდინარეობს და საგანგებო რეაგირების ღონისძიებები გრძელდება. აშშ-ის არმიის ინფორმაციით, AH-64 Apache არის ორძრავიანი, ოთხფრთიანი, მრავალფუნქციური თავდასხმის ვერტმფრენი, რომელსაც შეუძლია შეასრულოს შეიარაღებული დაზვერვის, ახლო ბრძოლის, მოძრავი დარტყმისა და ვერტიკალური მანევრის მისიები.