ვოლოდიმირ ზელენსკი - თუ აშშ Patriot-ის რაკეტების 5%-ს მოგვყიდის, ზამთარს გადავიტანთ და ადამიანების სიცოცხლეს გადავარჩენთ, თუ ისინი 10%-ს მოგვყიდიან, მაშინ ყველა რუსულ ბალისტიკურ რაკეტას გავანადგურებთ - ახლა 1% მაქვს
აშშ-ის Patriot-ის რაკეტების 5% ზამთრის გადასატანად უკრაინისთვის საკმარისი იქნება, - ამის შესახებ უკრაინის პრეზიდენტმა ვოლოდიმირ ზელენსკიმ CNN-თან ინტერვიუში განაცხადა.
„ჩვენ წელს ორნახევარჯერ ნაკლები ჰაერსაწინააღმდეგო რაკეტა გვაქვს, ვიდრე 2025 წელს გვქონდა. რუსეთი კი თვეში ორჯერ მეტ ბალისტიკურ რაკეტას უშვებს, ვიდრე მანამდე. იერიშები ყოველ ღამით ხდება, თვეში ოთხჯერ ან ხუთჯერ კი მასშტაბური თავდასხმები გვაქვს. ეს საშინელი ღამეებია. ჩვენი ხალხი ნამდვილად გმირი და გამძლეა, მაგრამ ისინი დაიღალნენ“, - განაცხადა ზელენსკიმ.
მისი თქმით, დღის განმავლობაში ჰაერსაწინააღმდეგო რაკეტების მოსაპოვებლად მილიონობით სატელეფონო ზარს ახორციელებს.
„თუ აშშ რაკეტების 5%-ს მოგვყიდის, ჩვენ ზამთარს გადავიტანთ და ადამიანების სიცოცხლეს გადავარჩენთ. თუ ისინი 10%-ს მოგვყიდიან, მაშინ ჩვენ ყველა რუსულ ბალისტიკურ რაკეტას გავანადგურებთ. ახლა 1% მაქვს“, - აღნიშნა უკრაინის პრეზიდენტმა.
