ლენინგრადის ოლქში, უსტ-ლუგას პორტზე და მოსკოვზე დრონებით იერიში განხორციელდა, - ამის შესახებ ინფორმაციას უკრაინული მედია ავრცელებს.

13-14 აგვისტოს ღამით, დრონების შეტევის შედეგად, რუსეთის ლენინგრადის ოლქის უსტ-ლუგას პორტში ხანძარი გაჩნდა.

„მიყენებული ზიანის შედეგად უსტ-ლუგას პორტში ხანძარი გაჩნდა. მეხანძრეებმა მისი ჩაქრობა დაიწყეს. საბრძოლო მოქმედებები გრძელდება,’’ - დაწერა ლენინგრადის ოლქის გუბერნატორმა ალექსანდრ დროზდენკომ Telegram-ზე.

რუსული მხარის ინფორმაციით, საჰაერო თავდაცვის ძალებმა 51 დრონის ჩამოგდება შეძლეს. რუსეთის ხელისუფლების ცნობით, დრონებით თავდასხმა განხორციელდა მოსკოვშიც.