The New York Times - რუსეთი მოლდოვას ევროპასა და უკრაინაზე ზეწოლის პლაცდარმად განიხილავს - კრემლის პრიორიტეტთა სიაში პირველ ადგილზეა უკრაინის დაპყრობა, მეორეზე - მოლდოვაზე კონტროლის დამყარება
რუსეთი მოლდოვას ევროპასა და უკრაინაზე ზეწოლის პლაცდარმად განიხილავს.
ამის შესახებ ინფორმაციას გამოცემა The New York Times-ი ინფორმირებულ წყაროებზე დაყრდნობით ავრცელებს.
კერძოდ, გამოცემის გამოძიების თანახმად, რუსეთი მოლდოვას საკვანძო მიზნად განიხილავს უკრაინის შემდეგ და მის პლაცდარმად გამოყენებას აპირებს უკრაინისა და ევროპის წინააღმდეგ შემდგომი აგრესიისთვის.
გამოცემის წყაროების თქმით, 2025 წლის ბოლოს რუსეთის პრეზიდენტმა, ვლადიმერ პუტინმა საიდუმლო შეხვედრა გამართა სამხედრო მეთაურებთან სადაც განაცხადა, რომ 2026 წლისთვის მიზანია, “ნატოსა და ევროკავშირის შიგნიდან დაშლა”.
დასავლური სადაზვერვო სამსახურების თქმით, მოლდოვა ამ ძალისხმევებში საკვანძო როლს თამაშობს. მათი მტკიცებით, კრემლის პრიორიტეტთა სიაში პირველ ადგილზეა უკრაინის დაპყრობა, ხოლო მეორეზე - “მოლდოვაზე კონტროლის დამყარება”.
დასავლელი მაღალჩინოსნების თქმით, მოლდოვა რუსეთისთვის შესაძლოა გამხდარიყო “იდეალური პლატფორმა შემდგომი აგრესიისთვის როგორც უკრაინის, ასევე დასავლეთის წინააღმდეგ”. ისინი აღნიშნავენ, რომ პუტინს ჯერ კიდევ აქვს უკრაინის სამხრეთ ზოლის დაპყრობის იმედი, რათა სახმელეთო ხიდი შექმნას, რომელიც რუსეთს მოლდოვასთან დააკავშირებს.
