საფრანგეთი, გერმანია და დიდი ბრიტანეთი რუსეთ-უკრაინის მოლაპარაკებებში მონაწილეობის უზრუნველსაყოფად საკუთარ გეგმას ამზადებენ, - ინფორმაციას The New York Times-ი ევროპელ მაღალჩინოსნებზე დაყრდნობით ავრცელებს.

გამოცემის ინფორმაციით, საფრანგეთის, გერმანიისა და დიდი ბრიტანეთის მთავრობები საკუთარი ფორმატის შემუშავების საკითხზე მუშაობენ, რათა რუსეთსა და უკრაინას შორის სამშვიდობო მოლაპარაკებებში თავიანთი ინტერესები დაიცვან.

წყაროების ცნობით, ევროპული სახელმწიფოები შიშობენ, რომ ამერიკის შეერთებული შტატები სამშვიდობო პროცესიდან მათ სრულად გარიყვას გეგმავს.

ასევე, მათი თქმით, საერთო ევროპული პოზიციის შემუშავებაში წამყვან როლს საფრანგეთი და გერმანია ასრულებენ, ხოლო დიდი ბრიტანეთი აშშ-სთან ურთიერთობის გამო სიფრთხილეს იჩენს.