გიორგი ანწუხელიძის, საქართველოს უმთავრეს მტერთან, ოკუპანტ რუსეთთან, უკომპრომისო შეურიგებლობის გაუხუნარი სიმბოლოს დაბადების დღე დგება! - ამის შესახებ ოპოზიციონერი პოლიტიკოსი, არმაზ ახვლედიანი სოციალურ ქსელში აქვეყნებს პოსტს.

როგორც ახვლედიანი წერს, ანწუხელიძის ხსოვნის ყველაზე ღირსეულად პატივისცემა რუსეთისგან სრულად გათავისუფლებული, ერთიანი, ძლიერი, დემოკრატიული სახელმწიფოს შექმნა იქნებოდა.

“მისმა გმირულმა თავგანწირვამ უნდა გააერთიანოს ყველა, ვისთვისაც მტერი რუსეთია, მოკავშირე - დასავლეთი, მიზანი კი რუსეთისგან სრულად გათავისუფლებული, ერთიანი, ძლიერი, დემოკრატიული, საქართველოა!

ფერისცვალების წინა დღესასწაულზე დაბადებული ანწუხელიძის ხსოვნის ყველაზე ღირსეულად პატივისცემაც სწორედ ასეთი სახელმწიფოს შექმნა იქნებოდა!” - წერს ახვლედიანი.