დროა, გაყინული რუსული აქტივების საკითხის განხილვას დავუბრუნდეთ , - ამის შესახებ უკრაინის საგარეო საქმეთა მინისტრმა, ანდრეი სიბიგამ განაცხადა.

ანდრეი სიბიგა კიევში, ბელგიის საგარეო საქმეთა მინისტრ მაქსიმ პრევოს შეხვდა.

„გვჯერა, რომ დროა, გაყინული აქტივების საკითხს დავუბრუნდეთ, რათა განვიხილოთ ლეგალური მექანიზმები იმისთვის, რომ მათი უკრაინის მიერ გამოყენება მოხდეს“, - განაცხადა უკრაინის საგარეო საქმეთა მინისტრმა.

მისი თქმით, რუსეთის მიერ უკრაინის ინფრასტრუქტურისთვის მიყენებული ზარალის ღირებულება 600 მილიარდ დოლარს აღემატება.

„გაყინული აქტივები ერთ-ერთი ფუნდამენტური გზაა, რომელსაც ჩვენი მნიშვნელოვნად გაძლიერება შეუძლია. ამიტომ, ჩვენ ამას ევროპულ დედაქალაქებში და არა მხოლოდ ევროპულ დედაქალაქებში აქტიურად განვიხილავთ“, - აღნიშნა სიბიგამ.