დონალდ ტრამპს კიმ ჩენ ინთან შეხვედრა სურს, - ინფორმაციას The Wall Street Journal-ი წყაროებზე დაყრდნობით ავრცელებს.

გამოცემის ინფორმაციით, აშშ-ის პრეზიდენტმა დონალდ ტრამპმა თავის თანაშემწეებს მოუწოდა, რომ ჩრდილოეთ კორეის ლიდერთან კიმ ჩენ ინთან შეხვედრა შემოდგომაზე მოაწყონ.

წყაროების ცნობით, დონალდ ტრამპი იმედოვნებს, რომ შეუძლია კიმ ჩენ ინი დაარწმუნოს, რათა ჩრდილოეთ კორეის ლიდერმა ბირთვულ პროგრამაზე უარი თქვას.

დონალდ ტრამპსა და კიმ ჩენ ინს შორის შეხვედრა შესაძლოა, ნოემბერში შედგეს, როდესაც ლიდერები აზია-წყნარი ოკეანის ეკონომიკური თანამშრომლობის ორგანიზაციის სამიტის ფარგლებში ჩინეთში შეიკრიბებიან.

გამოცემის წყაროების განცხადებით, შეხვედრისთვის ოფიციალური მზადება ჯერჯერობით არ დაწყებულა.