აშშ-ის მიერ სისხლის სამართლის საერთაშორისო სასამართლოს პრეზიდენტის წინააღმდეგ სანქციების დაწესება ძალიან სამწუხაროა, - ამის შესახებ განცხადებას იაპონიის საგარეო საქმეთა სამინისტრო ავრცელებს.

„იაპონია ყოველთვის მხარს უჭერს სისხლის სამართლის საერთაშორისო სასამართლოს და მის ძალისხმევას, რომ გაასამართლოს საერთაშორისო საზოგადოებასთან დაკავშირებული ყველაზე მძიმე დანაშაულები და კანონის უზენაესობა დაიცვას“, - ნათქვამია განცხადებაში.

შეგახსენებთ, აშშ-ის სახელმწიფო მდივანმა მარკო რუბიომ სისხლის სამართლის საერთაშორისო სასამართლოს პრეზიდენტის, ტომოკო აკანესა და უფროსი იურისტის, აბდულაიე სეიეს წინააღმდეგ სანქციები გამოაცხადა.

რუბიოს თქმით, აშშ სანქციებს უწესებს აღნიშნულ პირებს იმის გამო, რომ ისინი მონაწილეობდნენ სასამართლოს ძალისხმევაში, სისხლის სამართლებრივ პასუხისგებაში მიეცა იმ ქვეყნების ოფიციალური პირები, რომელთა მთავრობებსაც სასამართლოს იურისდიქცია არ აქვთ აღიარებული.