აშშ-ის პრეზიდენტი, დონალდ ტრამპი წელს კიმ ჩენ ინთან შეხვედრას გეგმავს. ამის შესახებ დონალდ ტრამპმა თეთრი სახლის ტერიტორიაზე ვერტმფრენის მოედნის გახსნის დროს მედიასთან საუბარში განაცხადა.

კერძოდ, კითხვაზე გეგმავს თუ არა ის წელს მოგვიანებით ჩრდილოეთ კორეის ლიდერთან, კიმ ჩენ ინთან შეხვედრას, ტრამპმა უპასუხა: “კი, ვგეგმავ”.

აშშ-ის პრეზიდენტს ამ შეხვედრის შესახებ დამატებითი დეტალები არ დაუკონკრეტებია.

“მას 57 ძალიან ძლიერი ბირთვული რაკეტა აქვს. არასდროს არ შეიძლებოდა ამის დაშვება, მათ არასდროს არ უნდა დაეშვათ ეს - მე რომ ვყოფილიყავი პრეზიდენტი, ამას არასდროს არ დავუშვებდი",-განაცხადა ტრამპმა.