რუმინეთმა შავ ზღვაში საზღვაო დრონი გაანადგურა, - ინფორმაციას რუმინეთის პრეზიდენტი ნიკუშორ დანი ავრცელებს.

ნიკუშორ დანის ცნობით, რუმინეთის F-16-ის ტიპის ავიაგამანადგურებლებმა საზღვაო დრონი შავ ზღვაში მდებარე გაზის პლატფორმის Neptun Deep-ის მახლობლად გაანადგურეს.

„მკაცრად ვგმობ რუსეთის ფედერაციის მხრიდან მსგავსი ინციდენტების გახშირებას. ჩვენ ნატო-ს მოკავშირეებთან ერთად სიფხიზლეს ვინარჩუნებთ“, - წერს რუმინეთის პრეზიდენტი X-ზე.

რუმინეთის თავდაცვის მინისტრის, რადუ მირუცას განცხადებით, კიევში დაუდასტურეს, რომ დრონი უკრაინას არ ეკუთვნოდა.