ვაგრძელებთ, ჩვენი „შორ მანძილზე მოქმედი სანქციების“ მეშვეობით, ომის შედეგების იქ დაბრუნებას, საიდანაც ის დაიწყო, - ამის შესახებ უკრაინის პრეზიდენტი ვოლოდიმირ ზელენსკი სოციალურ ქსელში წერს.

მან დაადასტურა, რომ წუხელ უკრაინამ დარტყმები განახორციელა პერმის ნავთობგადამამუშავებელ ქარხანაზე, რომელიც საზღვრიდან 1600 კილომეტრზე მეტ მანძილზე მდებარეობს და ასევე ვოლგოგრადის რეგიონში, მარინოვკას სამხედრო საჰაერო ბაზაზე.

„ასევე არის შედეგები შავ ზღვაში. ასევე დადასტურებული გვაქვს წინა დარტყმების შედეგები: დაზიანდა რუსული „სუ-34“ თვითმფრინავი ახტუბინსკის საჰაერო ბაზაზე, რომელიც ფრონტის ხაზიდან დაახლოებით 600 კილომეტრში მდებარეობს. ხოლო პრიმორსკო-ახტარსკში, თითქმის 180 კილომეტრის დაშორებით, დაარტყეს ობიექტს, რომელიც დრონების შესანახად, მოსამზადებლად და გასაშვებად გამოიყენება“, - აცხადებს ზელენსკი.