ბრიუსელში, ევროკომისიის შენობის წინ, უკრაინის დამოუკიდებლობის დღესთან დაკავშირებით, რომელიც 24 აგვისტოს აღინიშნება, უკრაინის დროშა აღიმართა, - ამის შესახებ ევროკომისიის პრეზიდენტი ურსულა ფონ დერ ლაიენი სოციალურ პლატფორმა X-ზე წერს.

მისი განმარტებით, დროშა უკრაინის დამოუკიდებლობის დღისთვის მზადების ფარგლებში აღიმართა.

„უკრაინის დამოუკიდებლობის დღის აღსანიშნად ვემზადებით და ბრიუსელში უკრაინის დროშას ვწევთ, რათა ის ამაყად ფრიალებდეს ჩვენი კავშირის გულში, სადაც მისი ადგილია. უკრაინა დაიბრუნებს თავის უსაფრთხოებას, თავის თავისუფლებას და ის დაიკავებს კუთვნილ ადგილს ჩვენს კავშირში“, - აცხადებს ევროკომისიის პრეზიდენტი.

ამასთან, ფრანგული მედიის ცნობით, 24 აგვისტოს, უკრაინის დამოუკიდებლობის დღის აღსანიშნავად. პარიზში ეიფელის კოშკი ლურჯ და ყვითელ ფერებში განათდება.