რუსებმა კიევში ბენზინგასამართ სადგურს დაარტყეს, არიან დაშავებულები, - ინფორმაციას უკრაინული მედია ავრცელებს.

კიევის მერის, ვიტალი კლიჩკოს ცნობით, რუსულმა ძალებმა დრონით ბენზინგასამართ სადგურს უკრაინის დედაქალაქის გოლოსეევსკის რაიონში დაარტყეს.

მისი თქმით, ერთ ავტომობილს ცეცხლი გაუჩნდა, თუმცა მეხანძრეებმა ხანძრის ლიკვიდაცია შეძლეს.

კლიჩკოს განცხადებით, თავდასხმის შედეგად ოთხი ადამიანი დაშავდა. მათგან სამი საავადმყოფოში გადაიყვანეს.