პარტია „დროას“ ლიდერი ელენე ხოშტარია „თავისუფალი ხალხის პარტიის“ (ყოფილი „გირჩის“) ლიდერის იაგო ხვიჩიას ბიძინა ივანიშვილთან შეხვედრას ეხმაურება.

როგორც ხოშტარია საპატიმროდან გამოგზავნილ წერილში წერს, „იაგო ხვიჩიას საკანში ელოდება და თუ უნდა, მეგობრებიც წამოიყოლოს“.

„გავიგე, იაგო ხვიჩია პოლიტიკოსებს ხვდება, ყველასთან მინდა, რომ დავამყარო ურთიერთობაო, ეს არის ჩემი ნიჭიო. ჰოდა, ველოდები ჩემს საკანში. თუ უნდა, მეგობრებიც წამოიყოლოს, ბევრ დროს არ წავართმევ!“,-წერს ელენე ხოშტარია წერილში.

ცნობისთვის, „თავისუფალი ხალხის პარტიის (ყოფილი „გირჩის“) ლიდერმა იაგო ხვიჩიამ „ფორმულას“ ეთერში განაცხადა, რომ 2025 წლის დეკემბერში, „ქართული ოცნების“ დამფუძნებელს, ბიძინა ივანიშვილს შეხვდა. „მისი შთაბეჭდილებით, ბიძინა ივანიშვილი არის ძალიან გონიერი და ადეკვატური ადამიანი“.