დიუსელდორფში “გაურკვეველი საფრთხის” გამო პოლიცია უკრაინის საკონსულოში მასშტაბურ ოპერაციას ატარებს. ამის შესახებ ინფორმაციას გერმანული მედია ადგილობრივი პოლიციის პრესსპიკერზე დაყრდნობით ავრცელებს.

კერძოდ, პრესსპიკერმა აღნიშნა, რომ უკრაინის გენერალურ საკონსულოში “გაურკვეველი საფრთხეა” და შენობის მახლობლად პოლიცია მასშტაბურ ოპერაციას ატარებს, თუმცა არანაირი დეტალები არ გაუმჟღავნებია იმაზე თუ რა მოხდა.

მედიის ინფორმაციით, საღამოს საათების დასაწყისში საკონსულოს მიმდებარე ვრცელი ტერიტორია შემოსაზღვრული იყო. პოლიციამ დიუსელდორფის ცენტრში ქუჩის მონაკვეთი გადაკეტა და ადგილზე პოლიციის რამდენიმე მანქანა იმყოფებოდა.