იუდეველები როშ-ჰაშანას, ებრაულ ახალ წელიწადს ზეიმობენ. როგორც რელიგიის საკითხთა სახელმწიფო სააგენტოს მიერ გავრცელებულ ინფორმაციაშია აღნიშნული როშ-ჰაშანა ებრაელთათვის გასულ წელზე სულიერი ანგარიშის პერიოდია, რომლის დროსაც ყოველი ებრაელი ინანიებს საკუთარ შეცდომებსა და ცოდვებს.

რელიგიის საკითხთა სახელმწიფო სააგენტო ულოცავს ყველა იუდეველს, განსაკუთრებით კი საქართველოს ებრაულ თემს, როშ-ჰაშანას, ახალი წლის დღესასწაულს და ბედნიერ, ნაყოფიერ და მშვიდობიან წელს უსურვებს მათ.