რადოსლავ სიკორსკი კიევში ჩავიდა
პოლონეთის საგარეო საქმეთა მინისტრი და ვიცე-პრემიერი რადოსლავ სიკორსკი კიევში ჩავიდა.
სიკორსკიმ უკრაინის დედაქალაქის რკინიგზის სადგურიდან ფოტო გამოაქვეყნა, წარწერით: „დილა მშვიდობისა კიევიდან“.
პოლონეთის საგარეო საქმეთა სამინისტროს წარმომადგენელმა, მაჩეი ვევიურმა განაცხადა, რომ სიკორსკის ვიზიტი უკრაინის მხარდაჭერის ჟესტს წარმოადგენს.
„რაც უფრო მეტად უტევს რუსეთი, მით უფრო მეტად არის საჭირო უკრაინის მხარდაჭერა“, - აღნიშნა პოლონეთის საგარეო საქმეთა სამინისტროს წარმომადგენელმა.
