ევროკავშირის მუდმივმა წარმომადგენლებმა კვლავ ვერ მოახერხეს რუსეთის წინააღმდეგ სანქციების გაგრძელებაზე შეთანხმება. ამის შესახებ ინფორმაციას „რადიო თავისუფლების“ ევროპის ბიუროს ხელმძღვანელი, რიკარდ იოზვიაკი სოციალურ ქსელში ავრცელებს.

„ევროკავშირის მუდმივმა წარმომადგენლებმა კვლავ ვერ მოახერხეს დღეს რუსეთის წინააღმდეგ სანქციების გაგრძელებაზე შეთანხმება. კიდევ ერთი შეხვედრაა ორშაბათს [14 სექტემბერს], 15 სექტემბრის ბოლო ვადამდე ერთი დღით ადრე. სლოვაკეთს კვლავ სურს უსმანოვის და ფრიდმანის სასანქციო სიიდან ამოღება, მაგრამ საკითხი ახლა კიდევ უფრო გართულებულია, ვინაიდან საფრანგეთს ასევე სურს უსმანოვის „შავი სიიდან“ ამოღება,” - წერს იოზვიაკი.