ჩვენი შორ მანძილზე მოქმედი დარტყმებით აგრესორი ომს ყოველდღიურად გრძნობს, - ამის შესახებ უკრაინის პრეზიდენტი ვოლოდიმირ ზელენსკი სოციალურ ქსელში წერს.

„გასული 24 საათის განმავლობაში, დარტყმები რუსეთის ორ ქიმიურ საწარმოზე განხორციელდა. ტაგანროგში უსაფრთხოების სამსახურის მებრძოლებმა დრონების საწარმოს, საცავსა და Pantsir-S2-ის სისტემას დაარტყეს“, - წერს ზელენსკი X-ზე.

ზელენსკის ცნობით, დარტყმები განხორციელდა შავ ზღვაში არსებულ სამიზნეებზეც.

„ასევე, მიმდინარე კვირაში ჩვენი მებრძოლების წარმატებული სამუშაოს დადასტურება გვაქვს. კერძოდ, კრასნოდარის მხარესა და როსტოვის ოლქში „სუ-33“ ტიპის თვითმფრინავი და „მი-8“ ტიპის ორი ვერტმფრენი განადგურდა“, - აცხადებს უკრაინის პრეზიდენტი.