რუსეთი ჩვენს ენერგეტიკის სექტორზე თავდასხმებს აგრძელებს, - ამის შესახებ უკრაინის პრეზიდენტი ვოლოდიმირ ზელენსკი სოციალურ ქსელში წერს.

„რუსეთი ჩვენს ენერგეტიკის სექტორზე, ლოჯისტიკის სისტემებსა და კრიტიკულ ინფრასტრუქტურაზე თავდასხმებს აგრძელებს. ამისთვის ჩვენი პასუხი რეალურია. უკრაინის თავდაცვის ძალებს ახალი შედეგები აქვთ სიზრანის ნავთობგადამამუშავებელ ქარხანასთან დაკავშირებით. დარტყმა განხორციელდა ტაგანროგში დრონების საწარმო ობიექტზეც, ასევე ორიოლის ოლქში დრონების გაშვების პოლიგონზე. სამიზნეებზე დარტყმა შავ ზღვაშიც განახორციელა“, - წერს ზელენსკი X-ზე.

ზელენსკის თქმით, აშშ-ის მიერ რუსული „ვითიბი ბანკის“ წინააღმდეგ სანქციების დაწესება მნიშვნელოვანი გადაწყვეტილებაა.

„ეს რუსეთის ერთ-ერთი სისტემური ბანკია, რომელიც აქტიურადაა ჩართული რუსეთის ომის მხარდამჭერ სქემებში, კერძოდ ირანთან ურთიერთობაში. ყველა მსგავსი სქემა მშვიდობის წინააღმდეგ არის მიმართული და ნამდვილად უნდა მოიშალოს“, - აცხადებს უკრაინის პრეზიდენტი.