ურსულა ფონ დერ ლაიენის სიტყვით გამოსვლასთან დაკავშირებით, რომელშიც მან საქართველო არც გაწევრიანების კანდიდატის და არც შუა დერეფნის საკითხში ახსენა, სრული პასუხისმგებლობა ეკისრება "ქართულ ოცნებას" და ეს პასუხისმგებლობაც ხელისუფლების ცვლილების შემდეგ იქნება გათვალისწინებული, - ამის შესახებ “კოალიცია ცვლილებებისთვის” ერთ-ერთმა ლიდერმა ნიკა გვარამიამ ჟურნალისტებთან განაცხადა.

მან ხაზი გაუსვა, რომ ამ ამ საკითხთან დაკავშირებით, სრული პასუხისმგებლობა ეკისრება “ქართულ ოცნებას”, რომელიც აუცილებლად გასამართლდება ამის გამო ხელისუფლების ცვლილების შემდეგ.

„ქართული ოცნება" ხელისუფლების ცვლილების შემდეგ აუცილებლად იქნება გასამართლებული, როგორც პოლიტიკური ორგანიზაცია, რომელმაც საქართველო უკიდურეს დაღმასვლამდე მიიყვანა. ეს იქნება ნამდვილი გასამართლება პარტიის, დანარჩენი ყველაფერი ფიქციაა, იმიტომ, რომ ამ ქვეყანაში არანაირი სასამართლო და კანონიერება არ არსებობს. ურსულა ფონ დერ ლაიენის სიტყვით გამოსვლასთან დაკავშირებით, რომელშიც მან საქართველო არც გაწევრიანებისა და არც შუა დერეფნის საკითხში ახსენა, სრული პასუხისმგებლობა ეკისრება "ქართულ ოცნებას" და ეს პასუხისმგებლობაც ხელისუფლების ცვლილების შემდეგ იქნება გათვალისწინებული, როცა "ქართულ ოცნებას" გაასამართლებს ქართველი ხალხი და აუცილებლად გაასამართლებს, ამას გპირდებით” - განაცხადა ნიკა გვარამიამ.