რუსულმა ძალებმა კიევზე სარაკეტო იერიში მიიტანეს, რის შემდეგაც საოფისე და საცხოვრებელი შენობები დაზიანდა - დაშავებულთა შორის ორი ბავშვია
რუსებმა კიევს დაარტყეს - დაშავებულია 12 ადამიანი, - ინფორმაციას უკრაინული მედია ავრცელებს.
კიევის მერის, ვიტალი კლიჩკოს ცნობით, რუსულმა ძალებმა უკრაინის დედაქალაქზე სარაკეტო იერიში მიიტანეს, რის შემდეგაც, ქალაქში საოფისე და საცხოვრებელი შენობები დაზიანდა.
კლიჩკოს თქმით, დაშავებულებს შორის ორი ბავშვია.
კიევის მერის ინფორმაციით, დედაქალაქის სოლომენსკის რაიონში საწყობი დაზიანდა. ასევე, 17 სექტემბრის ღამეს, რუსულმა ძალებმა ოდესას შეუტიეს, სადაც მრავალსართულიანი შენობა დაზიანდა და სულ მცირე, სამი ადამიანი დაშავდა, მათ შორის ერთი ბავშვი.
