დონალდ ტრამპი ირანის საკითხის განსახილველად სპარსეთის ყურის ქვეყნების ლიდერებს შეხვდება, - ინფორმაციას გამოცემა Axios-ი წყაროებზე დაყრდნობით ავრცელებს.

გამოცემის ინფორმაციით, აშშ-ის პრეზიდენტი დონალდ ტრამპი სპარსეთის ყურის ქვეყნების ლიდერებს მომავალ კვირას ნიუ-იორკში, გაერო-ს გენერალური ასამბლეის ფარგლებში შეხვდება.

წყაროების თქმით, დონალდ ტრამპი ირანთან ომის შემდგომი ნაბიჯების განხილვას გეგმავს.

ასევე, გამოცემა წერს, რომ დონალდ ტრამპთან შეხვედრა ისრაელის პრემიერ-მინისტრ ბენიამინ ნეთანიაჰუსაც სურს, თუმცა მხარეები შეხვედრის შესახებ ჯერ არ შეთანხმებულან.

დონალდ ტრამპმა ჩრდილოეთ კაროლინაში ჟურნალისტებს განუცხადა, რომ ირანს შეთანხმების მიღწევა სურს.

„ვიმედოვნებ, ომის დასრულებისკენ მივიწევთ. მათ ძალიან სურთ შეთანხმების მიღწევა. ვნახოთ, რა გამოვა“, - აღნიშნა აშშ-ის პრეზიდენტმა.