რუსეთის ცენტრალური საარჩევნო კომისიის ინფორმაციით, მოსკოვის ელექტრონული ხმის მიცემის სისტემაზე კიბერშეტევა განხორციელდა
მოსკოვის ელექტრონული ხმის მიცემის სისტემაზე კიბერშეტევა განხორციელდა, - ამის შესახებ რუსეთის ცენტრალური საარჩევნო კომისიის თავმჯდომარემ ელა პამფილოვამ განაცხადა.
„მთელი ღამის განმავლობაში მოსკოვის სისტემაზე ძლიერი თავდასხმა გრძელდებოდა. ეს თავდასხმა გრძელდება და ის ძლიერი და მასშტაბურია“, - განაცხადა პამფილოვამ.
მისი თქმით, მოსკოვის ელექტრონული ხმის მიცემის სისტემა მუშაობას ჩვეულ რეჟიმში აგრძელებს.
„ყველა თავდასხმა მოგერიებულია. ტექნიკური სპეციალისტები ვითარებას სრულად აკონტროლებენ“, - აღნიშნა რუსეთის ცესკოს თავმჯდომარემ.
შეგახსენებთ, რუსეთში სახელმწიფო დუმის არჩევნები გუშინ დაიწყო. ხმის მიცემის პროცესი სამი დღის განმავლობაში, 18-20 სექტემბერს გაგრძელდება.
