ევროპას სარაკეტო თავდასხმის მოგერიება გაუჭირდება, - ამის შესახებ ლატვიის პრეზიდენტმა, ედგარს რინკევიჩმა The Guardian-თან ინტერვიუში განაცხადა.

ედგარს რინკევიჩის განცხადებით, უკრაინაში დრონების გამოყენებით ომი სწრაფად ვითარდება, ხოლო ევროპა საჰაერო თავდასხმის ტექნოლოგიების განვითარების ტემპს ჩამორჩება.

„ვხედავთ, რომ საჰაერო თავდაცვის, დრონების საწინააღმდეგო და სარაკეტო თავდაცვის სისტემებს სერიოზული პრობლემები აქვთ. მოდით, გულწრფელები ვიყოთ. ეს პრობლემები უკრაინას აქვს. ეს პრობლემები მთელ ევროპასა და ნატო-ს აქვს“, - განაცხადა რინკევიჩმა.

მისი თქმით, თუ რუსეთი ნატო-ს ტერიტორიის მიმართულებით რამდენიმე რაკეტის გაშვებას გადაწყვეტს, მაშინ ეს ბევრი ქვეყნისთვის სერიოზული პრობლემა იქნება.

ასევე, რინკევიჩმა აღნიშნა, რომ რუსეთი ჰიბრიდული თავდასხმებით ევროპის გამოცდას აგრძელებს.

„გამოვრიცხავ ტრადიციული ტიპის სამხედრო შეჭრას, მაგრამ ყველა სხვა სახის შესაძლებლობის მიმართ ფხიზლად უნდა ვიყოთ“, - აღნიშნა ლატვიის პრეზიდენტმა.