თავისუფლების მოედანზე საპროტესტო აქცია მიმდინარეობს - შეკრებილების განცხადებით, ისინი ე.წ. „არაბული ქალაქების“ მშენებლობას აპროტესტებენ
თავისუფლების მოედანზე, ე.წ. „არაბული ქალაქების“ მშენებლობის წინააღმდეგ აქცია მიმდინარეობს.
ღონისძიება გაერთიანება „კონსერვატორებმა” დააანონსეს.
ორგანიზატორების განცხადებით, აქცია საქართველოში დაგეგმილ საინვესტიციო პროექტებს უკავშირდება, მათ შორის თბილისში, კრწანისის ტყე-პარკის ტერიტორიაზე დაგეგმილ პროექტზე.
თავისუფლების მოედანზე ამ დროისთვის შეზღუდულია სატრანსპორტო მოძრაობა. ტერიტორიაზე მობილიზებულია საპატრულო პოლიცია.
