რუსეთის პრეზიდენტის პრესსპიკერის, დიმიტრი პესკოვის განცხადებით, რუსეთი ე.წ. სპეციალურ სამხედრო ოპერაციას აგრძელებს, თუმცა იმედოვნებს, რომ ამ მიზნების მშვიდობიანად მისაღწევად მოლაპარაკებები განახლდება.

“ვაგრძელებთ სპეციალურ სამხედრო ოპერაციას, ჩვენს სამხედრო საქმიანობას დასახული მიზნების მისაღწევად. თუმცა, იმედი გვაქვს, რომ საბოლოოდ შევძლებთ სამმხრივი მოლაპარაკებების განახლებას და კიდევ ერთხელ შევეცდებით ჩვენი მიზნების მშვიდობიანი გზით მიღწევას“, - განაცხადა პესკოვმა ჟურნალისტებთან საუბარში.

ამასთან, მისი მტკიცებით, ნატო კვლავ დაპირისპირების ინსტრუმენტად რჩება.

“საერთო ჯამში, ჩრდილოატლანტიკური ალიანსის არსი წლების განმავლობაში არ შეცვლილა. ეს არის ბლოკი, რომელიც დაპირისპირებისთვის შეიქმნა. ის კვლავ დაპირისპირების ინსტრუმენტად რჩება”, - აღნიშნა პესკოვმა.