რუსეთ-უკრაინის ომი, მისი მოგვარების თვალსაზრისით, საერთაშორისო კონფლიქტებს შორის ყველაზე რთულია, - ამის შესახებ აშშ-ის ვიცე-პრეზიდენტმა, ჯეი დი ვენსმა ჟურნალისტებს განუცხადა.

„რა თქმა უნდა, ეს რთული მოსაგვარებელია. ვფიქრობ თუ არა, რომ ეს საბოლოოდ მოგვარდება? დიახ. უბრალოდ, ეს დროის საკითხია“, - განაცხადა ვენსმა.

მისი თქმით, გაერო-ს გენერალური ასამბლეის ფარგლებში აშშ-ისა და უკრაინის პრეზიდენტების, დონალდ ტრამპისა და ვოლოდიმირ ზელენსკის შეხვედრის შემდეგ გარკვეულ პროგრესს ელის.

„პრეზიდენტი ტრამპი პრეზიდენტ ზელენსკის ხვალ ან ზეგ ხვდება. დარწმუნებული ვარ, რომ პროგრესი იქნება მიღწეული“, - აღნიშნა აშშ-ის ვიცე-პრეზიდენტმა.