Reuters - აშშ გრენლანდიაზე ორი სამხედრო ბაზის გახსნას გეგმავს
აშშ გრენლანდიაზე ორი სამხედრო ბაზის გახსნას გეგმავს, - ინფორმაციას Reuters-ი წყაროებზე დაყრდნობით ავრცელებს.
გამოცემის ინფორმაციით, აშშ გრენლანდიის სამხრეთში ცივი ომის პერიოდის სამხედრო ბაზის აღდგენას და აღმოსავლეთ ნაწილში ახალი ბაზის გახსნას გეგმავს.
აშშ სამხედრო ბაზას ნარსარსუაკში აღადგენს, რომელიც 1950-იან წლებში დაიხურა, ხოლო ახალ ბაზას მესტერსიგში გახსნის, სადაც ამჟამად დანიის მარხილის ძაღლების საპატრულო საგუშაგოა.
შეგახსენებთ, გასულ კვირას აშშ-ის პრეზიდენტმა დონალდ ტრამპმა გამოაცხადა, რომ გრენლანდიის უსაფრთხოების საკითხზე დანიასთან შეთანხმებას მიაღწია.
მოსალოდნელია, რომ მხარეები შეთანხმებას დღეს ნიუ-იორკში, გაერო-ს გენერალური ასამბლეის ფარგლებში გააფორმებენ.
