უკრაინისა და საფრანგეთის პრეზიდენტებმა, ვოლოდიმირ ზელენსკიმ და ემანუელ მაკრონმა ნიუ-იორკში გამართულ შეხვედრაზე, სხვა საკითხებთან ერთად, უსაფრთხოება და ზამთრის დახმარების პაკეტი განიხილეს.

ზელენსკიმ შეხვედრის შემდეგ განაცხადა, რომ უკრაინა მზადაა ევროკავშირის სესხით ხელმისაწვდომი ფინანსური რესურსების გამოყენებით დამატებითი SAMP/T საჰაერო თავდაცვის სისტემებისა და მათი რაკეტების შეძენა უზრუნველყოს.

„ვაგრძელებთ მუშაობას უკრაინაში ასეთი საჰაერო თავდაცვის სისტემებისა და რაკეტების წარმოების შესაძლებლობაზე, ასევე ანტიბალისტიკური თავდაცვის ერთობლივ პროგრამა FREYJA-ზე ჩვენს პარტნიორებთან ერთად. წელს პირველ შედეგებს ველოდებით. სრული დატვირთვით ვმუშაობთ ჩვენი ხალხის დაცვის გასაძლიერებლად“, - აღნიშნა ზელენსკიმ.