რუსულმა ძალებმა კიევს დაარტყეს, დაიღუპა 2 და დაშავდა 25 ადამიანი
უკრაინის დედაქალაქ კიევზე რუსული ძალების მიერ განხორციელებული თავდასხმის შედეგად ორი ადამიანი დაიღუპა, დაშავებულთა რიცხვი კი 25-მდე გაიზარდა, - ინფორმაციას უკრაინული მედია კიევის მერზე, ვიტალი კლიჩკოზე დაყრდნობით ავრცელებს.
რუსეთმა კიევზე დრონებით შეტევა განახორციელა. სოლომენსკის რაიონში დრონი მაღაზიის შენობას მოხვდა. კლიჩკოს ინფორმაციით, დრონი ცხრასართულიან არასაცხოვრებელ შენობასაც შეეჯახა.
ჰოლოსიევსკის რაიონში კი დრონმა სატრანსპორტო ინფრასტრუქტურის ობიექტსა და არასაცხოვრებელი შენობის სახურავს დაარტყა.
ამასთან, თვითმხილველების განცხადებით, რკინიგზის სადგურის მიმდებარე ტერიტორიაზე კვამლი ამოდის.
სოციალურ ქსელებში ვრცელდება ინფორმაცია, რომ რკინიგზის სადგურთან ახლოს მდებარე ბაზარში ხანძარი გაჩნდა.
