ჩინეთის ლიდერის სი ძინპინის განცხადებით, შეერთებული შტატები და ჩინეთი პარტნიორები უნდა იყვნენ და არა მეტოქეები.

„ერთად შეგვიძლია და უნდა ვიპოვოთ სწორი მიდგომა, რათა ჩინეთმა და შეერთებულმა შტატებმა -ორმა დიდმა ქვეყანამ - ახალ ეპოქაში ერთმანეთთან კარგად ურთიერთობდნენ. დარწმუნებული ვარ, რომ ჩვენ ამას შევძლებთ”, - აღნიშნულია განცხადებაში, რომელიც სი ძინპინმა აშშ-ში ჩასვლისას გაავრცელა.

მისი თქმით, „ჩინელი ერის დიდებული აღორძინება” და “ამერიკის კვლავ დიდებულად გახდომა” შეიძლება ერთმანეთს შეუთავსდეს;

“ამასთან, ორ ქვეყანას შეუძლია ხელი შეუწყოს ერთმანეთის წარმატებას და ამით სარგებელი მოუტანოს მთელ მსოფლიოს“, - აღნიშნა სი ძინპინმა.

ცნობისთვის, ჩინეთის პრეზიდენტი აშშ-ში ჩავიდა. სი ძინპინსა და მის მეუღლეს დონალდ და მელანია ტრამპები მერილენდში, ენდრიუსის გაერთიანებულ სამხედრო ბაზაზე დახვდნენ. სი ძინპინისა და დონალდ ტრამპის შეხვედრა დღეისთვის არის დაგეგმილი.