რუსეთის პრეზიდენტის სპეციალური წარმომადგენელი აშშ-ში გაემგზავრა, - ინფორმაციას Reuters-ი წყაროებზე დაყრდნობით ავრცელებს.

გამოცემის ინფორმაციით, რუსეთის პრეზიდენტის სპეციალური წარმომადგენელი კირილ დმიტრიევი ნიუ-იორკში, აშშ-ის პრეზიდენტის წარმომადგენლებს სტივ უიტკოფს, ჯარედ კუშნერსა და სხვა ოფიციალურ პირებს შეხვდება.

ერთ-ერთი წყაროს ცნობით, დმიტრიევის ვიზიტის მიზანი რუსეთსა და აშშ-ს შორის დიალოგის შენარჩუნება და სამშვიდობო ძალისხმევის გაგრძელებაა.

წყაროს თქმით, ვიზიტის ფარგლებში მხარეები უკრაინაში მშვიდობიანი მოგვარების, ასევე, რუსეთსა და აშშ-ს შორის ეკონომიკური და ენერგეტიკული თანამშრომლობის საკითხებს განიხილავენ.