გერმანიის ფინანსთა მინისტრის, ლარს კლინგბაილის განცხადებით, გერმანია 50 მილიონ ევროს გამოყოფს უკრაინისთვის ჩერნობილის ატომური ელექტროსადგურის სარემონტო სამუშაოების დასაფინანსებლად.

კლინგბაილის თქმით, საკითხი ამჟამად პარლამენტშია განსახილველად და მოსალოდნელია, რომ მას ნოემბრის შუა რიცხვებისთვის დაამტკიცებენ.

საფრანგეთის ფინანსთა მინისტრმა როლან ლესკიურმა ხუთშაბათს, ბანგკოკში განაცხადა, რომ „დიდმა შვიდეულმა“ უკრაინისთვის, ატომური ელექტროსადგურის აღდგენის მიზნით, 260 მილიონი ევრო შეაგროვა.

„გუშინ ცხადი გახდა, რომ ყველა ჩართული მხარე აცნობიერებს საკუთარ პასუხისმგებლობას და სურს, თავისი წვლილი შეიტანოს“, - აღნიშნა საფრანგეთის ფინანსთა მინისტრმა.

მისი თქმით, 9 ნოემბერს პარიზში კონფერენცია გაიმართება, რომლის მიზანი დონორების შეკრება და დამატებითი სახსრების მოძიებაა, ვინაიდან სადგურის სრულ აღდგენას, წინასწარი შეფასებით, 500 მილიონი ევრო დასჭირდება.