კიდევ ერთხელ, ამერიკის მოძულე „ქართული ოცნების“ რეჟიმი ტერორისტულ სახელმწიფო ირანს ხვდება, - ამის შესახებ ამერიკელი კონგრესმენი, ჯო უილსონი („რესპუბლიკური პარტია“) სოციალურ ქსელში წერს.

ჯო უილსონი საქართველოს პრემიერ-მინისტრის, ირაკლი კობახიძისა და ირანის ისლამური რესპუბლიკის პრეზიდენტის მასუდ ფეზეშქიანის შეხვედრას ეხმაურება.

„კიდევ ერთხელ, ამერიკის მოძულე „ქართული ოცნების“ რეჟიმი ტერორისტულ სახელმწიფო ირანს ხვდება. ეს მანკიერი კავშირი შეურაცხყოფაა პრეზიდენტ ტრამპისა და შესანიშნავი ქართველი ხალხის, რომელსაც თავისუფლება და კეთილდღეობა სურს და არა სიკვდილის კულტი თავის სიახლოვეს“, - წერს უილსონი X-ზე.