კიევში ვიტალი კლიჩკოს გადადგომის მოთხოვნით აქცია მიმდინარეობს, - ინფორმაციას უკრაინული მედია ავრცელებს.

კიევის საქალაქო სახელმწიფო ადმინისტრაციის შენობასთან შეკრებილი მოქალაქეები უკრაინის დედაქალაქის მერის, ვიტალი კლიჩკოს გადადგომას ითხოვენ.

პოლიციის მონაცემებით, საპროტესტო აქციაში 200-მდე ადამიანი მონაწილეობს.

დემონსტრანტები უკრაინის დედაქალაქის ხელისუფლებას ზამთრისთვის არასაკმარისად მომზადებაში ადანაშაულებენ.

მათივე განცხადებით, კიევის მერი ქალაქში არსებულ ვითარებას ვერ აკონტროლებს.